ஆருயிரே... ஆருயிரே...

ஆருயிரே... ஆருயிரே...

ஆருயிரே... ஆருயிரே... ஆருயிரே... ஆருயிரே... ஆருயிரே நீ அழகு நிலாவென      பாடிய பாவலன் தெருவினிலே தேடுகிறேன் உனைத் தினந்தோறும்      தென்றலே எங்கு நீ சென்றாயோ?                                              (ஆருயிரே... ஆருயிரே...) ஓடையிலோர் நாள்நீ நீராடும் கோலம்      ஓடையிலே நான் பாடிய கீதம் ஜாடையிலே அவை சகலமும் பேசி      ஜனித்ததங்கே நம் காதலின் தீபம் ஏனிந்தக் கோபம் நான்வரும் நேரம்      உன்வாடைக் காற்றும் நெடுந்தூரம் போகும்...                                              (ஆருயிரே... ஆருயிரே...) கார்கால மேகம் எழுதாத விளக்கம்      கண்ணீரில் நீதரும் இணையாத நெருக்கம் போறாத காலம் புதியதோர் வானம்      என்குரல் கேட்க அலையுது நாளும் வாழ்வோம் சகியே வழிகளை வகுப்போம்      வாசலின் ஓரமுன் பூமுகங் காட்டு                                              (ஆருயிரே... ஆருயிரே...) ஆருயிரே நீ அழகு நிலாவென      பாடிய பாவலன் தெருவினிலே தேடுகிறேன் உனைத் தினந்தோறும்      தென்றலே எங்கு நீ சென்றாயோ?

***

ஏமாற்றுக்காரர்

ஏமாற்றுக்காரர்

மன்னிப்பவன் மனிதரில் மாணிக்கம் என்று உனை மன்னிக்க எண்ணும்போது உன்னை மன்னித்தேன் என்று சொன்னாய் பார் அப்போதுதான் தோன்றிற்று உன்னையெல்லாம் எப்படி மன்னிப்பதென்று!

***

விபச்சாரம்

விபச்சாரம்

ரோட்டோரம் ஒரு ஊதாப்பூ கண் சிமிட்டுகிறது... எய்ட்ஸ் இலவசம்.

***

நிலம்

நிலம்

இயற்கையின் குழப்பம் நிலத்தை முழுவதும் நீர் சூழாமல் விலக்கி வைப்பது நெருப்புச் சூரியனா? நிலவா?, கடலா? காற்றா? பனிக் கட்டியா? எல்லாமும் இணை சேர்ந்து நடத்தும் ஆக்கிரமிப்பு ஆட்டமா?

***

நெருப்பு

நெருப்பு

நேரில் மோதினால் நீரிலே அழியும் நெருப்பு சினந்து, தகித்து, தணலாய், வெட்கையாய், வெயிலாய்ச் சூடு படுத்தி நிழல் யுத்தத்தால் மட்டுமே கொதிக்கவும், ஆவியாக்கவும், அழிக்கவும் முடிகிறது நீரை.

***

ஹைக்கூ கவிதைகள்

ஹைக்கூ கவிதைகள்

மேகம். உருகாமலும் கரையாமலும் மிதக்குதே வெயிலில் ! ”மேகம்” தென்றல் காற்றுக்கு மாத்திரம் கரைந்து உருகும் பஞ்சுப் பொதி மேகம்! மழை. யாரைக் தாக்க சரம் சரமாய் அம்புகள் ? "மழை" பனிக்கட்டி. (ஐஸ் கட்டி) என்ன ஆச்சரியம்! கெட்டிப்பட்ட படிகத் தண்ணித் துண்டு நீரிலேயே மிதக்குதே பனிக்கட்டி! நெருப்பு. நேரில் மோதினால் நீரிலே அழியும் "நெருப்பு" வானவில். இயற்கை எங்கோ ஓவியம் தீட்டத் தொட்டுக் கொள்ளும் வண்ணக் கலவைப் பேழை "வானவில்" மின்னல். வானம் சொன்னது: மழை என்ன அழுகையா? ஸ்மைல் ப்ளீஸ்...சீஸ்... இடி. அடை மழையிலும் விடாது வெடிக்கும் பட்டாசு "இடி" பூ. மொட்டாகி, மலராகி அடச்சே ... வாடி உதிர்ந்துபோகும் வாழ்க்கைதானா? "பூ" உலகம். உருண்டு கொண்டே இருக்கிறது விடியலைத் தேடி உலகம்! உருண்டு கொண்டே இருக்கிறது வெயிலை, வெப்பத்தை, வெளிச்சத்தைத் தேடி "உலகம்" மனிதா. உன்னை வலைக்குள் சிறை செய்யப் போதும் ஒரு கொசு! காற்று. குழல் இசையைக் கடத்திவிட்டு அடுத்தொரு மூச்சாய் காற்று! சாலை. உன்னையும் என்னையும் இணைக்கும் கம்பியாய் தரையில் சாலை! வாயிற் பாய்: (Door mat) எவ்வளவுதான் அழகாக இருந்தாலும் வரவேற்பில் மிதிவாங்குவது என்னவோ வாயிற் பாய்தான்! சேமிப்பு: எறும்பும், தேனியும் மாத்திரமே சேமிக்கின்றன. வாழ்வில் நம்பிக்கை அதிகமோ விலங்குகளுக்கு?

***

வருக வருக உலகத் தமிழ் செம்மொழி மாநாடு 2010!!!

வருக வருக உலகத் தமிழ் செம்மொழி மாநாடு 2010!!!

பாலுக்கும் கூழுக்கும் பட்டாணி சுண்டலுக்கும்      பட்டமெனும் ரொட்டிக்கும் பரிசில் எலும்புக்கும் பாழுக்குப் போகின்ற பச்சோந்தி நாயினை      பச்சைத் தமிழ் என்னல் ஆகுமா? நாளைக்குப் பாடையிலே பரலோகம் போகையிலே      “செந்தமிழ்” செத்தது என்பீரா? ஐயோ! வேளைக்குப் பொய்நூறு புலம்பும் வீணரே      வெட்கமும் மானமும் விற்கின்ற கடைச்சரக்கா? காலுக்குப் போடும் காலணியாம் உழைப்பு;      நாளும் கொள்ளை; நடப்பதெல்லாந் திருட்டு; ஊழலின் உச்சமாய் அரசு; உடன்பிறப்புக்கு      உளரலே கடிதம்; இலவச இலஞ்சம்; மூளை மழுப்பிற்கு மானாட மயிலாட;      ஒதுக்கிப் பதுக்கப் புதுப்புதுத் திட்டம்; சாலை உலாவிற்கு மனிதச் சங்கிலி;      பரவச நாடகம் பதவி விலகல்! அழை யாமல் போவதெப்படி? கடிதம்      அனுப்பிக் கடமை தீர்க்க வில்லையா? கொலை யுண்ட மாந்தருக்காய் நித்தம்      கூடி அழுததும் நினைவு இல்லையா? காலை உணவிற்குக் கடற்கரை விரதம்      கட்டளை இட்டதில் போர்நிற்க வில்லையா? போலிக் கண்ணீரா? புரியாத பேச்சு;      சட்டசபைச் சாளரத்தைக் கேள் சொல்லும்... அழையா விருந்தா? யார் சொன்னார்?      வெற்றிப் பூங்கொத்துக் காய்ந்து விடாதா? குழுமம் அனுப்பிக் கூடிக் குலாவினால்      மத்திய அரசும் மகிழ்ந்துவிட வில்லையா? மலேயாத் தமிழர் அடித்தால் என்ன?      மலையகத் தமிழர் செத்தால் என்ன? ஈழம் சிதைத்தோம் என்பதில் பெருமை      இன்னமும் பதவி என்பதெம் திறமை!!! முழக்கம் அடிக்கடி முரசில் கேட்கும்      உயிர் எமக்குத் தூசு; பதவியும் இழப் போம்; முடிதனைத் துறப்போம்;      துறந்ததற் கெல்லாம் தலையே சாட்சி! மழுப்பல் பேச்சா? அரசியல் களத்தில்      வழுக்கை என்பது அனுபவ எச்சம்! விழுப்புண் என்பது வீரருக்கு அழகு!      தமிழனின் அழகை மழித்ததின் மிச்சம்! அழுவது எதற்கு? கலைந்தது கனவா?      துரோகம் என்பது தமிழனில் புதிதா? விழுந்தால் எழுவதும் விதைத்தால் முளைப்பதும்      உலகத் தமிழர் அறியாக் கதையா? பழையதை விடுத்து புகழாரம் பாடிக்      களிப்பினில் திளைப்போம்; கவலையைத் துறப்போம் எழுதுக சரித்திரம் துரோகம் அழிந்திட      உலகத்தமிழ் மாநாடென நடந்ததை மறப்போம்! சங்க இலக்கியம் செந்தமிழ் இலக்கியம்      குட்டையைக் குழப்பி மீன்களைப் பிடிப்போம் பக்தி இலக்கியம் திராவிட இலக்கியம்      பட்டையைக் கிளப்பிசுய புராணம் படிப்போம் கம்பன் வள்ளுவன் இளங்கோதொல் காப்பியன்      எல்லாம் கவைக்குதவா தென்றே முடிப்போம் செந்தமிழ் உலகம் சிந்தையிற் குழம்பின்      செம்மொழிக் கூடலும் வெற்றியோ வெற்றி! செந்தமிழ் மறந்தோர் சிந்தனை துறந்தோர்      செம்புலங் காணா வண்டமிழ் வீரர் நெஞ்சினில் ஈரம் கொஞ்சமும் இல்லார்      அகிலம் புகழும் கூடலைக் காணீர் கஞ்சிக்கு அலையும் தமிழரே வாரீர்      கைகால் இழந்த தமிழரே வாரீர் வஞ்சம் மறந்திடத் தமிழரே வாரீர்      பழியினைத் துறக்கவோர் வழியினைத் தாரீர்!!!

***